«Խոստացել էիր հայտարարությամբ հանդես գալ, վախեցա՞ր, արձանագրել էիր դեսպաններին, որ ժողովրդական ընդվզումից ես մտահոգ կամ քո նկարագրին համաձայն վախեցած, ինչո՞ւ չես հրապարակում պայմանագիրը։ Չես հրապարակում, որովհետև վախենում ես, գիտես՝ ինչ սատանայական գործարք ես կնքել»,-«Արդարության ձգտումը» խորագրով ֆեյսբուքյան ուղիղ եթերի ընթացքում հայտարարեց Բագրատ սրբազանը՝ դիմելով ՀՀ վարչապետ Նիկոլ Փաշինյանին։
Նա հայտարարեց՝ մարդիկ ասում են, որ նույնիսկ արդեն ստորագրել է պայմանագիրը, ոչ միայն պատրաստ է ստորագրելու․ «Իր սատանայական գործարքը փորձում է թաքցնել։ Հրապարակիր այդ պայմանագիրը, ստախո′ս, հրապարակիր Արցախին վերաբերող բանակցային այն փաստաթղթերը, որ մինչև այսօր կամ մինչև 2019-ը գոյություն են ունեցել, եթե իրապես մարդ ես, ճշմարտախոս ես։ Ի վերջո` դու այս ժողովրդի կյանքի վրա ես այդ գինը փորձում վճարել, քո իսկ իշխանությունը և նյութական հաճույքները բավարարելու առումով։ Հրապարակիր, ինչո՞ւ ես վարանում, թող բոլորն իմանան, թող քո շրջապատի կույր աչքերը բացվեն, որոնց դարձրել ես քո գերին, նրանք էլ համաձայնել են այսպես ասած ստրկության մեջ գտնվելուն։ Եթե ճշմարտության մասին է խոսքդ, արդարության մասին է քո զգացումը, ոչ թե ստախոսության, ապա հրապարակիր»։
Տաթև ՀԱՐՈՒԹՅՈՒՆՅԱՆ
