Ռուսաստանի Դաշնությունում մարտի 23-ին պաշտոնապես ավարտվել է գեղասահքի մրցաշրջանը: Չնայած արդեն երեք տարի Ռուսաստանի գեղասահորդները հանդես չեն գալիս միջազգային մրցաշարերում, սակայն մարզաձեւի ֆեդերացիան կարողանում է գեղասահքը պահել անհրաժեշտ մակարդակի վրա՝ միջազգային մրցումների պակասը լրացնելով մարզիկների համար կոմերցիոն մրցումներ կազմակերպելով:
Forbes հանդեսը կազմել է 2025 թվականին ամենից շատ գումար վաստակած գեղասահորդների տասնյակը, որում ընգրկված է նաեւ մեր հայրենակից Ադելիա Պետրոսյանը:
Էթերի Տուտբերիձեի սանուհին վնասվածքի պատճառով ստիպված էր մրցաշրջան 2025-ն ավարտել ժամանակից շուտ: Եվ «Առաջին ալիքի գավաթին» ու «Ռուսական մարտահրավերին» չմասնակցելով ակնկալվող մրցանակային գումարները նա ամբողջությամբ չի համալրել: Չնայած դրան, Ադելիան 2025 թվականին վաստակել է 5,8 մլն. ռուբլի եւ տասնյակում զբաղեցրել է 4-րդ հորիզոնականը:
Աշոտ ՀԱԿՈԲՅԱՆ
