Ամերիաբանկն ամփոփել է «Իմ Ամերիա, իմ Հայաստան» արշավի շրջանակում կազմակերպված ԿՍՊ քվեարկության արդյունքները, ըստ որի Բանկի 2025թ. ԿՍՊ ծրագրերի և բարեգործության բյուջեից 100 մլն դրամի աջակցությունը կուղղվի երեխաների առողջության ու կրթության ոլորտներին։
Նշենք, որ 2024 թվականի հոկտեմբերի 16-ից մինչև դեկտեմբերի 31-ը քվեարկությանը մասնակցել է շուրջ 55 000 հոգի։ Ընտրությունը ութ ոլորտների միջև էր․ բացի ընտրված ոլորտներից, քվեարկել կարելի էր կայուն զարգացման, փոքր և միջին բիզնեսի, տեղեկատվական տեխնոլոգիաների, գիտության, մշակույթի և սպորտի ոլորտների օգտին։
Մինչև ապրիլի 15-ը ՀՀ-ում գործող հիմնադրամները և հասարակական կազմակերպությունները, որոնք ունեն ծրագրեր տվյալ ոլորտներում, կարող են դիմել Ամերիաբանկ՝ ֆինանսավորման համար։ Յուրաքանչյուր ծրագրի համար նախատեսված է մինչև 10 մլն դրամի ֆինանսավորում, իսկ չափանիշները, որոնց համապատասխանելու դեպքում ընդունվում են նախագծերը, ներկայացված են csr.ameriabank.am կայքում:
ԱՄԵՐԻԱԲԱՆԿ
