«Ես քարոզարշավի մեկնարկի պահից գտնվել եմ Գյումրիում մինչև երեկ՝ օրվա երկրորդ կեսը։ Ամբողջ քաղաքը հեղեղված է քարոզչական պաստառներով՝ հիմնականում չնախատեսված վայրերում»,- «ՀայաՔվե» միավորման գրասենյակում կազմակերպված մամուլի ասուլիսի ժամանակ հայտարարեց «ՀայաՔվե» նախաձեռնության անդամ Արամ Պետրոսյանը։
Նա, հղում կատարելով ԸՕ 21-րդ հոդվածին, վստահեցրեց, որ այս հոդվածի համաձայն՝ խախտմամբ քարոզչական պաստառի փակցնելու դեպքում ԸԸՀ որոշման հիման վրա այն հանվում է համայնքի ղեկավարի և ոստիկանության աջակցությամբ․ «Եղել եմ ԸԸՀ նախագահ Մարտին Ղազարյանի մոտ, ցույց տվել իր գրասենյակի առաջ չնախատեսված վայրում փակված թեկնածուներից մեկի պաստառը, որով ապացուցվում է, որ համայնքի ղեկավարի ներկայիս պաշտոնակատարը ցուցաբերում է անգործություն, կիրառում վարչական ռեսուրս։ Ինքն իր պաստառը չի հանում նախատեսված վայրից։ Հենց այսօրվա նկարներ ունեմ, որ ներկայումս այդ պաստառը փակցված է»։
Անդրադառնալով երեկ տեղի ունեցած ընդդիմադիր պատգամավորների գրասենյակներում խուզարկություններին և կալանավորումներին՝ Արամ Պետրոսյանը նշեց․ «Մայր Հայաստան» դաշինքի գրասենյակում ութ հոգի առնվազն բերման էին ենթարկվել, բավականին երկար խուզարկության ժամանակ մի աշխատասենյակն ամբողջությամբ փակված էր և գործունեությունը կազմալուծված էր, իսկ Մարտուն Գրիգորյանի դեպքում զուգահեռաբար գործողություններ էին իրականացվում և′ տանը, և′ մի ամբողջ գրասենյակում։ Ստացվում է, որ այդ երկու թեկնածուները երեկ ամբողջ օրը զրկված էին նորմալ քարոզարշավ իրականացնելուց։ Նպատակը խոչընդոտելն էր։
Մինչ այդ Վարդան Ղուկասյանին բերման ենթարկելն առնվազն անհամաչափ ուժի կիրառմամբ, մյուս դեպքում, որ ավելի զավեշտալի էր Ռուբեն Մխիթարյանի հետ կապված ճանապարհատրանսպորտային կանոնների խախտումը հիշելը, դրա հետ կապված նրան հրավիրելը Երևան և Երևանում հարցաքննելը, սրանով խոչընդոտվեց մեկ ամբողջ օր նրանց՝ քարոզարշավ անելը։ Ուստի առնվազն չպետք է խոսվի, որ վարչական ռեսուրս չի չարաշահվում»։
Կարդացեք նաև
Տաթև ՀԱՐՈՒԹՅՈՒՆՅԱՆ
