«Մեզ բոլորիս հետաքրքրում է երկու հարց. 1-ինը՝ ինչու եւ 2-րդը՝ ինչու: Ինչո՞ւ եղավ այսպես: Ինչո՞ւ է այսօր հայ ազգը կանգնած իր պատմական զարգացման թերեւս ամենացածր աստիճանի վրա, ու ի՞նչ պետք է անենք, որ դա հաղթահարենք: Այդ փնտրտուքներում պատասխանը հետեւյալն է՝ չկա ազգային ընտրանի, ազգային էլիտա, որ կարողանար լուծումներ առաջարկեր, որոնք ընդունելի կլինեին բոլորի համար ու այդ լուծումների շնորհիվ կկարողանայինք ավելի զարգացող երկիր ու պետություն կառուցել»,- այսօր «Հայոց տուն» նախաձեռնության անդամների հրավիրած հանդիպմանը ասաց բժշկագիտության դոկտոր- պրոֆեսոր Արմեն Չարչյանը:
Հիշեցնենք, որ այսօր մի խումբ մտավորականներ հայտարարեցին «Հայոց տուն» նախաձեռնության մեկնարկի մասին: Իսկ «Հայոց տունը», ըստ նրանց, հայկական էլիտայի ձևավորմանն ու ամրապնդմանն ուղղված, ապակուսակցական կառույց է՝ հայությանն ու հայոց պետականության գաղափարին նվիրյալ և փորձառու գործիչների ներգրավմամբ:
Արմեն Չարչյանի խոսքով, ինչուների պատասխանների փնտրտուքների մեջ իր համար ազգային ընտրանին մի քիչ ավելի բարձր է հնչում, ինքը կօգտագործեր պատասխանատու առաջնորդություն. «Դա հայրենասեր, հայրենիքին ու ազգին անուրանալի ծառայություններ մատուցած, վաստակաշատ, պետականամետ մտածողությամբ, բարձր կրթական ցենզ ունեցող մարդկանց միավորում է, որոնք ունեն զգալի հանրային արժեք ու գնահատանք, ունակ են ձեւավորել հանրային կարծիք, պաշտպանել հայի գենետիկ կոդը ու ուղղորդելու իշխանությունների գործողությունները դեպի ազգային առաջընթացի »:
Կարդացեք նաև
Արփինե ՍԻՄՈՆՅԱՆ
