«Ընդդիմադիր թեկնածուների նկատմամբ տեռոր չի սկսվել, ուղղակի որոշ արկածախնդիրներ դեռ մտածում են, որ կարող են ընտրակաշառքի, մի կապ փայտի ու հայհոյանքի միջոցով ազդել քաղաքացու որոշման վրա։ Իրավապահ մարմինները պետք է գործեն։ Կարծում եմ, գործում են օրենքի ողջ խստությամբ»,- խորհրդարանում լրագրողների հետ զրույցում ասաց ՔՊ խմբակցության քարտուղար Արթուր Հովհաննիսյանը՝ պատասխանելով Գյումրիում կատարված խուզարկությունների ու ձերբակալությունների մասին հարցերին։
Նա համաձայն չէ, որ ՔՊ-ականներն այս կերպ փորձում են ազդել քաղաքացիների ընտրության վրա։ Իր հավաստմամբ՝ 2018 թվականից ի վեր Հայաստանում որեւէ մեկը չի կարող ազդել քաղաքացու ընտրելու իրավունքի վրա։
«Բոլորի գլուխները տալու ենք պատերին, ովքեր փող են ուզում բաժանել մարդկանց»,- հայտարարեց իշխանական պատգամավորը։
Նելլի ԳՐԻԳՈՐՅԱՆ
