«Ես քիչ առաջ եմ խոսել Խնածախ, Վաղատուր գյուղի համապատասխան մարմինների, մեր մտերիմների հետ, որոնք որ ասում են, որ այդ կրակոցները գյուղի վերեւով են անցնում։ Այսինքն, դեպի մեր կողմն են։ Դա նշանակում է, որ այդ ինֆորմացիան պետք է հստակ տրվի»,- խորհրդարանում լրագրողների հետ զրույցում ասաց ԱԺ «Հայաստան» խմբակցության ղեկավար Սեյրան Օհանյանը՝ անդրադառնալով վերջին օրերին Սյունիքի հատվածում հայկական գյուղերում լսվող կրակոցներին, որոնց մասին բնակիչներն են ահազանգում։ ՊՆ-ից հայտարարում են, որ դրանք թիրախային չեն եւ հայկական կողմին ուղղված չեն։
Պաշտպանության նախկին նախարարը հայտարարում է՝ ՊՆ-ն ճիշտ ինֆորմացիա չի տալիս։
«Ադրբեջանի կողմից դա խաբկանք է»,- խոսելով Ադրբեջանի հետ խաղաղության համաձայնագրի մասին՝ ասաց Սեյրան Օհանյանը։ Իր բնութագրման ապացույցը նա համարում է ադրբեջանական կողմի կեցվածքը, որը զուգորդվում է սահմանին կրակոցներով եւ ապատեղեկատվությամբ։
Սեյրան Օհանյանը կարծում է, որ «Խաղաղության համաձայնագիրը» ՀՀ իշխանությանը պետք է՝ ներքաղաքական կյանքում օգտագործելու համար, իսկ Ադրբեջանի համար այդ փաստաթուղթը պետք է արտաքին քաղաքականության կտրվածքում, տարածաշրջանում հնարավոր զարգացումների դեպքում ուժային կենտրոնների բալանսավորման եւ ՀՀ-ի վրա ճնշումները մեծացնելու համար եւ այդ գործընթացում նվազագույն ցանկությունը, այսպես կոչված, միջանցքի ստացումն է Հայաստանից, այլ պարագայում՝ էլ ավելի մեծ զիջումներ ստանալը։
Կարդացեք նաև
Վերջին օրերին Ադրբեջանի կողմից կրակոցները, ըստ բանախոսի, հայկական կողմից իբրեւ կրակոցների մասին ապատեղեկատվությունը, քարոզչական պատերազմ է, որի նպատակը հայկական բնակչությանը վախի մթնոլորտում պահելն է, իսկ իշխանությանը զգուշացնել՝ արագ կատարեք մեր այն պահանջները, որոնք մենք դնում ենք, բացի Խաղաղության պայմանագրում արձանագրվածից։
Մանրամասները՝ տեսանյութում
Նելլի ԳՐԻԳՈՐՅԱՆ
