«Ռոբերտ Քոչարյանը մեր գործընկերն է, գրեթե ամեն օր հանդիպումներ եմ ունենում, Սերժ Սարգսյանի հետ՝ անհրաժեշտության դեպքում հանդիպում ենք, քննարկում ենք»,- լրագրողների հետ զրույցում ասաց ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանը՝ հավելելով, որ այս թեմայի մասին նախկինում խոսել է, հրապարակային այլ ասելիք չունի։
«ՀՅԴ-ն որեւէ մեկին բացատրություն տալու անհրաժեշտություն չունի»,-լրագրողի դիտարկմանը՝ տպավորություն է, որ ՀՅԴ-ն կարծես թե Ռոբերտ Քոչարյանին բացատրություն է ներկայացրել, թե ինչո՞ւ է Նիկոլ Փաշինյանին կողմ քվեարկել։ Ճշտող հարցին՝ այդ թվում Ռոբերտ Քոչարյանի՞ն, Իշխան Սաղաթելյանը պատասխանեց՝ բոլորին՝ հավելելով, ՀՅԴ-ականներն իրենց գործունեության համար պատասխան են տալիս կուսակցական շարքերին, ընտրողներին։
Նաեւ հայտարարեց՝ Ռոբերտ Քոչարյանի հետ ձեւավորել են դաշինք եւ փոխվստահության, փոխլրացնող մթնոլորտում աշխատում են, որեւէ հարց, որեւէ խնդիր չկա։
Ի դեպ, ՀՅԴ-ն չի մասնակցում Տարոն Մարգարյանի մասով գլխավոր դատախազի միջնորդության քննարկմանը եւ քվեարկությանը, քանի որ կիսում են «Պատիվ ունեմ»-ի տեսակետը՝ սա շոու է։
Կարդացեք նաև
Նելլի ԳՐԻԳՈՐՅԱՆ
