Այս պահին ՀՀ հակակոռուպցիոն կոմիտեի և քրեական ոստիկանության աշխատակիցները խուզարկություն են անցկացնում «Մեր քաղաքը» դաշինքի գրասենյակում։
Նրանք խուզարկում են նաև դաշինքի քաղաքապետի թեկնածու, ԱԺ պատգամավոր Մարտուն Գրիգորյանի տունը։
Գրասենյակը տեղակայված է մի շենքում, որի առաջին հարկում խանութներ են. ուժայինները, ըստ էության, խոչընդոտում են նաև խանութների աշխատանքը։
Կարդացեք նաև
«Մեր քաղաքը» դաշինքի ավագանու թեկնածու, Գյումրու նախորդ ավագանու ՀՀԿ խմբակցության ղեկավար Նարեկ Միրզոյանը սա հակաօրինական գործողություն է որակում։ Ըստ նրա, սա քաղաքական հետապնդման վառ օրինակ է։
Թեկնածուն տեղեկություններ ունի, որ ՔՊ֊ն երեկ ամփոփել է իր սոցիոլոգիական հարցումների արդյունքները` համոզվելով, որ չի կարող այս մրցապայքարում առաջ անցնել ընդդիմադիր ուժերից, հետևաբար և սկսվել են բռնաճնշումները ընդդիմադիրների հանդեպ։
Նունե ԱՐԵՎՇԱՏՅԱՆ
Հ. Գ. Գագիկ Համբարյանը ֆեյսբուքյան էջում տեղեկացնում է. «Այս պահին կալանավորում են Մարտուն Գրիգորյանի հորը` Կամո Գրիգորյանին և միջնեկ որդուն` Կարեն Գրիգորյանին»:
