Մեդիափորձագետ Նաիրի Հոխիկյանը գրում է.
«Փարաքարում մարտի 30-ին տեղի ունենալիք համայնքապետի ընտրություններում իմ միանշանակ աջակցությունը հայտնեցի միակ սկզբունքային ընդդիմադիր թեկնածու Վոլոդյա Գրիգորյանին։
2021-ին Գրիգորյանը միայնակ կարողացել էր հավաքել ձայների մեծամասնությունը (49%), այն դեպքում, երբ ՔՊ-ն իր վարչական լծակներով ու սպառնալիքներով հավաքել էր ընդամենը 27.5% և իրեն սպասարկող կուսակցությունների աջակցությամբ էր կարողացել վերցնել ղեկավարումը։
Հետագա 4 տարիներին չնայած իշխանական ճնշումներին, Վոլոդյա Գրիգորյանը մնացել է համայնքի բնակիչների կողքին՝ չծախվելով ՔՊ-ին։ Հիմա նրան ավելի շատ են սիրում համայնքի Փարաքար, Թաիրով, Պտղունք, Մուսալեռ, Բաղրամյան, Նորակերտ, Այգեկ, Մերձավան, Արևաշատ գյուղերում։
Կարդացեք նաև
Ծանոթանալով Վոլոդյա Գրիգորյանի հետ ու նրա կատարած աշխատանքներին, ինչպես նաև նրա առաջիկա ծրագրերին՝ ինքս ավելի մեծ վստահություն ունեցա, որ Փարաքար համայնքում էլ կարող ենք հաղթել մեծ տարբերությամբ, եթե միանանք մեր ազգային նպատակներով և ուժով։
Մարտի 30-ին ես ընտրելու եմ Վոլոդյա Գրիգորյանին»։
