«Ոչ մի խոստում չեք կատարել այս 7 տարիների ընթացքում, արհավիրք եք բերել մեր ժողովրդի գլխին, հետո գնացել եք ընտրությունների մի ծրագրով, որ Շուշի ու Հադրութ պիտի դեօկուպացնեք։ Արցախն այս պահին գոյություն չունի, քիչ չի, դուք այստեղից հայտարարում եք, որ Արցախի հարց չկա։ Այդ մարդիկ հազարամյակներով ապրել են այնտեղ, դուք ասում եք՝ չկա։ Հիմա նորից ընտրություն կլինի, կգնաք կմանիպուլացնեք մարդկանց, կասեք՝ իրական Հայաստանից ենք խոսում, բայց էլի կխաբեք»,- ԱԺ-կառավարություն հարցուպատասխանի ժամանակ Նիկոլ Փաշինյանին դիմեց «Հայաստան» խմբակցության պատգամավոր Գառնիկ Դանիելյանը։ Նա հարցրեց՝ սահմանազատման-սահմանագծման գործընթացն ինչ փուլում է։
Նիկոլ Փաշինյանն ասաց, որ գործընթացը կա, աշխատում են, բայց դեռեւս հրապարակելու տեղեկատվություն չկա։ Մյուս դիտարկումներին չարձագանքեց։
«Քիչ առաջ ասացիք, որ եթե ժողովուրդն ուզի, ինձ կարող է հեռացնել։ Բայց եթե անգամ 100 հազարավոր մարդիկ էլ փողոցում լինեն, դուք գնացող չեք, պարոն Փաշինյան»,- հայտարարեց Գառնիկ Դանիելյանը։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
