«Երկուսս էլ այն կարծիքին էինք, որ այս արդյունքը չպետք է կորսվի»,- խորհրդարանում հարցուպատասխանի նիստի ժամանակ հայտարարեց վարչապետ Նիկոլ Փաշինյանը՝ պատասխանելով ԱՄՆ պետքարտուղարի հետ երեկվա իր հեռախոսազրույցին վերաբերող հարցին։
ԱՄՆ պետդեպի մամուլի խոսնակ Թեմմի Բրյուսի տարածած հաղորդագրության մեջ նշվում է, որ պետքարտուղար Մարկո Ռուբիոն և Հայաստանի վարչապետ Նիկոլ Փաշինյանը քննարկել են ընդհանուր շահերը՝ որպես ռազմավարական գործընկերներ։ ԱՄՆ պետքարտուղարն ու ՀՀ վարչապետը համաձայնել են, որ Հարավային Կովկասում էսկալացիան ցանկացած դրսևորմամբ անընդունելի է։ Հայկական կողմի տարածած հաղորդագրության համաձայն, Նիկոլ Փաշինյանն ու Մարկո Ռուբիոն պայմանավորվել են շարունակել Հայաստան-ԱՄՆ բարձր մակարդակի շփումները։
Նիկոլ Փաշինյանը հավելեց, որ այս հեռախոսազրույցը երկու երկրների միջեւ ռազմավարական գործընկերության գործընթացի հաստատումն էր․ այն նույնքան հրատապ է ԱՄՆ գործող վարչակազմի համար։
Տարածաշրջանային իրավիճակի եւ Խաղաղության գործընթացի մասով էլ հղում կատարեց ԱՄՆ պետքարտուղարին, որն ասել է՝ կարեւոր փուլ է նախագծի համաձայնեցման վերաբերյալ բանակցությունները հաջողությամբ ավարտին հասցնելու համար։
Կարդացեք նաև
Մանրամասները՝ տեսանյութում
Նելլի ԳՐԻԳՈՐՅԱՆ
