ԱԺ նիստում պատգամավոր Հովիկ Աղազարյանի նկատմամբ քրեական հետապնդում հարուցելուն համաձայնություն տալու միջնորդագրի քննարկման ժամանակ «Հայաստան» խմբակցության պատգամավոր Լիլիթ Գալստյանը դիմեց Գլխավոր դատախազ Աննա Վարդապետյանին․ «Տիկին Վարդապետյան, կարո՞ղ եմ ես, կամ ՀՀ որեւէ քաղաքացի հավատալ ձեզ՝ որպես գլխավոր դատախազի, ձեր անաչառությանն ու անկախությանը, երբ կառավարության նիստում հակասահմանադրական այսպիսի հայտարարություն եք կատարել՝ «մեծարգո վարչապետ, ես այս գործով ձեզ զեկուցել եմ»։ Ցավոք, դուք գերադասեցիք օրվա ռեժիմին ծառայությունը, եւ անկախությունն ու սկզբունքայնությունն այդպես էլ հեռու մնացին ձեր գործելաոճից»։
Գալստյանն ասաց, որ Աննա Վարդապետյանը դատապարտելի անգործություն է դրսեւորել մեր պետական, ազգային շահերի եւ իրավունքների նկատմամբ։ «Դուք չեք տեսնում Բաքվին գոհացնող եւ ՀՀ ինքնիշխանությունը ոտնահարող գործող վարչախմբի գործողությունները, Փաշինյանի միակողմանի բանավոր եւ գրավոր զիջումները։ Դուք լռում եք, երբ ապօրինի, հակապետական եւ հակասահմանադրական սահմանազատում է տեղի ունենում ու կադաստրի վկայականով թշնամուն է հանձնվում ՀՀ սեփականությունը, երբ Փաշինյանը թշնամուն է փոխանցում ռազմական գաղտնիք հանդիսացող ականապատ դաշտերի քարտեզը, երբ ադրբեջանական վերահսկողությանն են հանձնվում Հայաստանի Հանրապետության տարածքները։ Սա պետական դավաճանություն է, իսկ դուք օրվա իշխանության ճաշակով ու ծառայամտությամբ լռում եք»,- հայտարարեց Լիլիթ Գալստյանը։
Նա հավելեց, որ որքան էլ փորձեն շեղել հանրությանը, միեւնույն է, գալու է պատասխան տալու ժամանակը։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ