ՀՀ ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը մարտի 26-ին հանդիպել է Ստոկհոլմի Արեւելյան Եվրոպայի ուսումնասիրությունների կենտրոնի ներկայացուցիչներ Հյուգո վոն Էսենի եւ Յակոբ Հեդենսկոգի հետ:
Ողջունելով հյուրերին՝ Սարգիս Խանդանյանը կարեւորել է Հայաստան-Շվեդիա սերտ համագործակցությունը: Խոսելով միջխորհրդարանական ակտիվ հարաբերություններից՝ հանձնաժողովի նախագահը բարձր է գնահատել Շվեդիայի աջակցությունը մեր երկրի խորհրդարանի կարողությունների զարգացման հարցում:
Կենտրոնի ներկայացուցիչները նշել են, որ իրենց այցի նպատակն է ծանոթանալ տարածաշրջանում տեղի ունեցող գործընթացներին: Հյուրերը, մասնավորապես, հետաքրքրվել են Հայաստանի արտաքին քաղաքականության առաջնահերթություններով, ՀՀ-ԵՄ համագործակցությամբ, խորհրդարանական գործունեությամբ:
Անդրադառնալով Հայաստան-Եվրամիություն ընդլայնվող փոխգործակցությանը՝ Սարգիս Խանդանյանն ընդգծել է ՀՀ քաղաքացիների համար Եվրամիության վիզաների ազատականացման շուրջ երկխոսության մեկնարկի կարեւորությունը: Հանձնաժողովի նախագահը խոսել է նաեւ Ադրբեջանի եւ Թուրքիայի հետ հարաբերությունների կարգավորման գործընթացից:
Կարդացեք նաև
Հանդիպմանը ներկա մեր երկրում Շվեդիայի արտակարգ եւ լիազոր դեսպան Պատրիկ Սվենսոնը նշել է, որ Շվեդիան ողջունում է Հայաստանի եւ Ադրբեջանի միջեւ խաղաղության պայմանագրի տեքստի շուրջ ձեռք բերված համաձայնությունը եւ խրախուսում արագ ստորագրումը:
ԱԺ
