ԱԺ պատգամավոր, Մարդու իրավունքների պաշտպանության եւ հանրային հարցերի հանձնաժողովի նախկին նախագահ Թագուհի Թովմասյանը դատապարտում է լրագրող Հռիփսիմե Ջեբեջյանի նկատմամբ ՔՊ-ական պատգամավոր Անդրանիկ Քոչարյանի վարքը։ Խորհրդարանում լրագրողների հետ զրույցում նա տեղեկացրեց, որ «Պատիվ ունեմ» խմբակցությունը կստանձնի այս հարցով ԱԺ էթիկայի հանձնաժողով ձեւավորելու լրագրողի դիմումին ընթացք տալու գործընթացը։
«Անդրանիկ Քոչարյանի վարքագիծը չի համապատասխանում պատգամավորի վարքագծին, բացի այդ՝ Անդրանիկ Քոչարյանը նաեւ սեքսիզմի դրսեւորումներով է իր խոսքը համեմել, ինչը ՀՀ Սահմանադրությամբ արգելված է»,- ասաց Թագուհի Թովմասյանը՝ հավելելով, որ Անդրանիկ Քոչարյանը միանշանակ պետք է պատասխանատվություն կրի։ Ըստ նրա, եթե ՔՊ-ն չի ցանկանում կրել Անդրանիկ Քոչարյանի վարքագծի խարանը, պետք է ընդառաջ գնա հանձնաժողովի ձեւավորմանը։
Բանախոսի փոխանցմամբ, լավ կլինի որ ձեւավորվելիք հանձնաժողովի աշխատանքները ընդդիմությունը ղեկավարի, որպեսզի հարցի քննարկումը լուծում ստանա, ոչ թե ընթացակարգային բնույթ կրի։
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
