Գլխավոր դատախազ Աննա Վարդապետյանն ԱԺ նիստում ներկայացնում է պատգամավոր Հովիկ Աղազարյանի նկատմամբ քրեական հետապնդում հարուցելուն համաձայնություն տալու միջնորդագիրը։
Ընդդիմադիր պատգամավորները հայտարարեցին, որ Հովիկ Աղազարյանի նկատմամբ քաղաքական հետապնդում է իրականացվում։
«Հայաստան» խմբակցության պատգամավոր Ագնեսա Խամոյանը, դիմելով Աննա Վարդապետյանին, ասաց․ «Հովիկ Աղազարյանը հրաժարվել է կատարել Նիկոլ Փաշինյանը խնդրանքը՝ մանդատը վայր դնելու մասով, եւ դուք եկել եք Ազգային ժողով նրա հետեւից։ Տիկին դատախազ, դուք քաղաքական հայտարարություններ չեք անում, բայց դուք քաղաքական պատվեր եք անում»։
Կարդացեք նաև
Մանրամասները՝ տեսանյութում
«Հայաստան» խմբակցության պատգամավոր Արմենուհի Կյուրեղյանն էլ նշեց․ «Ձեր խուսափողական պատասխանները իսկապես փաստում են, որ խնդիր եք տեսնում մեր բարձրացրած հարցերին շրջանակներում։ Դուք հիմա ապացուցում եք, որ, այո, իսկապես գործին միջամտություն եղել է։ Եվ, այո, այս գործը հիմա եք բերել, որովհետեւ Հովիկ Աղազարյանը հրաժարվել է մանդատը վայր դնել, հրաժարվել է կատարել Նիկոլ Փաշինյանի sms պահանջը»։
Մանրամասները՝ տեսանյութում
«Հայաստան» խմբակցության պատգամավոր Գեղամ Մանուկյանը հայտարարեց․ «Բոլորին էլ հայտնի է, որ Հովիկ Աղազարյանն իր չորկողության պատճառով մանդատը չդրեց, դրա համար դուք այսօր այստեղ եք»։
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
