ԱԺ նստաշրջանում երկրորդ ընթերցմամբ եւ ամբողջությամբ ընդունվեց Եվրոպական միությանը ՀՀ անդամակցելու գործընթացի մեկնարկի մասին օրենքի նախագիծը։
Օրենքի համահեղինակ Արտակ Զեյնալյանն ասաց, որ պաշտոնյաների եւ խորհրդարանականների մակարդակով Եվրոպայի տարբեր մայրաքաղաքներից եւ ինստիտուտներից հնչել են միանշանակ եւ հստակ ազդակներ՝ ի աջակցություն Հայաստանի կողմից ԵՄ-ին անդամակցելու գործընթացի մեկնարկի։
Մանրամասները՝ տեսանյութում
Կարդացեք նաև
ԱԳ փոխնախարար Պարույր Հովհաննիսյանն ասաց, որ քննարկվող նախագիծը համապատասխանում է ժողովրդավարական ինստիտուտների զարգացման, հասարակության բարեկեցության բարելավման, անվտանգության, դիմակայության եւ իրավունքի ամրապնդման Հայաստանի հանձնառությանը։ Օրինագիծը համահունչ է ԵՄ հետ հարաբերությունների խորացման Հայաստանի նպատակին, ասաց ԱԳ փոխնախարարը։ «Օրինագծի ընդունումն ինքնին չի հանդիսանում ԵՄ-ին Հայաստանի անդամակցության հայտ, այն հաղորդում է ԵՄ հետ գործընկերության խորացումը նոր մակարդակի հասցնելու ցանկություն ունեցող Հայաստանի քաղաքացիների ձգտումը»,- ասաց Հովհաննիսյանը։
Մանրամասները՝ տեսանյութում
ԱԺ ընդդիմադիր պատգամավորները հայտարարեցին, որ այս նախագծի վերաբերյալ իրենց դիրքորոշումը չի փոխվել՝ դեմ են։
«Հայաստան» խմբակցության պատգամավոր Արծվիկ Մինասյանն ասաց, որ CEPA (Հայաստան-ԵՄ համապարփակ և ընդլայնված գործընկերության համաձայնագիր.-խմբ.), համաձայնագրի կատարման ուղղությամբ ՀՀ իշխանություններն ուղղակի անգործության են մատնված, ամենապարզ օրինակը վիզաների ազատականացման գործընթացն է։ «Աշխարհաքաղաքական զարգացումների պայմաններում նման կտրուկ շրջադարձը եւ-եւ-ի քաղաքականությունը տեղափոխում է լրիվ ուրիշ հարթություն, որը լի է վտանգներով՝ շատ դաժան ու վտանգավոր դրսեւորումներով։ Մյուս կարեւոր դիտարկումն այն է, որ ՀՀ-ն ներկայումս շատ հեռու է ԵՄ անդամակցության նույնիսկ թեկնածուի կարգավիճակի համար պահանջվող կոպենհագենյան չափանիշներից։ Եվ այսօր ամպագորգոռ հայտարարություններ անել եւ բերել այսպիսի մի հայտարարություն եւ ոչ թե օրենք եւ պարտադրել ՀՀ պառլամենտին նման նախագծի ընդունումը, դա մերժելի է»,- ասաց Արծվիկ Մինասյանը։
Մանրամասները՝ տեսանյութում
ՔՊ խմբակցության ղեկավար Հայկ Կոնջորյանն ասաց, որ ընդդիմությունը «մեռած է ձեւանում» բոլոր կարեւոր նախագծերի քննարկման ժամանակ, իսկ ՔՊ-ն կողմ կքվեարկի։
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
