ԱՄՆ Պետքարտուղարությունը մանրամասներ է ներկայացրել ՀՀ վարչապետ Նիկոլ Փաշինյանի ու ԱՄՆ պետքարտուղար Մարկո Ռուբիոյի հեռախոսազրույցի մասին։
Պետդեպի մամուլի խոսնակ Թեմմի Բրյուսը նշում է՝ ԱՄՆ պետքարտուղարն ու ՀՀ վարչապետը համաձայնել են, որ Հարավային Կովկասում էսկալացիան ցանկացած դրսևորմամբ անընդունելի է:
Հեռախոսազրույցի ընթացքում որպես ռազմավարական գործընկերներ Ռուբիոն և Փաշինյանը քննարկել են ընդհանուր շահերը։
Նշվում է, որ «Պետքարտուղարը ողջունել է Ադրբեջանի հետ խաղաղության համաձայնագիրը և ընդգծել տևական խաղաղության կարևորությունը տարածաշրջանային հակամարտությունների ցիկլը դադարեցնելու և Հարավային Կովկասում անվտանգություն ու բարգավաճում բերելու համար»:
