«Իհարկե, կարող են լինել ծառեր, որոնք դարն ապրել են եւ հատման ենթակա են, բայց ես չեմ կարծում, որ մի ամբողջ փողոց ծայրից ծայր մի քանի տասնյակ ծառերով հատման ենթակա է: Բյուջեի կատարողականի քննարկումներին էլ, որ հետեւում ենք, իրենց հրապարակած վիճակագրության համաձայն Երեւանում իբր պետք է եդեմական վիճակներ լինեին: Բայց արի ու տես, որ այդ վիճակը չկա»,-լրագրողների հետ զրույցում նշեց Երևանի ավագանու «Մայր Հայաստան» խմբակցության ղեկավար Մանուկ Սուքիասյանը, որ մասնակցում էր քաղաքապետարանի դիմաց կազմակերպված բնապահպանական ցույցին:
«Անգամ այդ ծառերը հատելու եւ նորը տնկելու մեջ, իմ կարծիքով կա կոռուպցիոն ռիսկ…Հայտնի է, որ Տիգրան Ավինյանի հետ կապված ծառ ներմուծող ֆիրմաներ կան…Անցյալ տարի էլ եղավ ծառերի հատում, նոր ծառերի ձեռքբերում, քրեական գործեր, պրոցեսը կանգ առավ, ու հիմա նորից փորձում է ռեանիմացիա անել այդ պրոցեսը»,-հավելեց Մանուկ Սուքիասյանը:
Մանրամասն՝ տեսանյութում
Կարդացեք նաև
Գոհար ՀԱԿՈԲՅԱՆ
