«Ավելի նվաստացուցիչ ձեւակերպում, քան Հայաստանը գնում է համարձակ զիջումների, հնարավոր չէր պատկերացնել։ Նույնիսկ դիվանագիտական լեզուն չի բավարարել, որպեսզի թաքցվի այս ստորացումը։ Յոթ տարի է, ինչ իշխանազավթները կան, եւ ոչ մի տարի չի անցել առանց զիջման ու կորստի»,- ԱԺ հայտարարությունների ժամին ասաց «Պատիվ ունեմ» խմբակցության պատգամավոր Աննա Մկրտչյանը։
Նա նշեց, որ քննարկվող փաստաթղթով նոր մեծ դավադրություն է պատրաստվում Հայաստանի դեմ։ «Ճիշտ է, հայ ժողովրդից գաղտնի են պահում այդ թղթի պարունակությունը, բայց հո հայ ժողովուրդը Նիկոլի բովանդակությունը գիտի՝ հող հանձնող, աթոռից կառչած, դավաճան։ Իրականում սա խաղաղության մասին թուղթ չէ, սա թուրքի համար նախատեսված «ասեք, անեմ, արել եմ ու էլի կանեմ» բանաձեւի շրջանակներում մի թուղթ է։ Ասել են՝ Արցախը տուր, հանձնել է, ասել են՝ Արցախը հայաթափի, հայաթափել է, ասել են՝ հայի թափված արյունը ուրացի, ուրացել է։ Հիմա շրջափակման մեջ են դնում Հայաստանը՝ դելիմիտացիայի անվան տակ, եւ ասում են՝ մեզ այս փուլում երաշխավորներ պետք չեն։ Դե հա, առուծախի համար միջնորդ պետք չէ, երբ գնորդի հետ արդեն երկար ժամանակ է՝ կապի մեջ ես»,- ասաց Աննա Մկրտչյանը։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
