«Այդ ուղղությամբ աշխատանքներ տարվել են։ Փորձագետները, աշխատանքային խումբն այդ ուղղությամբ աշխատել է։ Մենք ունենք մոտավոր բանաձև, որը երկու երկրների բեռնափոխադրողների և վարորդների համար էլ որոշակի պարզեցումներ և ավելի հարմարավետություն կառաջարկի։ Առաջիկայում կվերջնականացվեն աշխատանքները։ Դրանից հետո կհանրայնացնենք»,-հարցին՝ ինչպե՞ս է լուծվելու սահմանին բեռնատարների հայ վարորդների համար դիզվառելիքի թանկացման հարցը, ինչը լուրջ դժգոհություններ է առաջացրել, Իրանի ԱԳ նախարար Սեյեդ Աբբաս Արաղչիի հետ համատեղ մամուլի ասուլիսի ժամանակ այսպես պատասխանեց ՀՀ ԱԳ նախարար Արարատ Միրզոյանը։
Իրանի ԱԳ նախարարն էլ ասաց․ «Հաստատում եմ այն, ինչ ասաց ՀՀ ԱԳ նախարարը։ Պայմանավորվել ենք, որ վարորդների և բեռնատարների համար ճանապարհը պետք է լինի հեշտ, ու ծախսերը պիտի նվազեն, որպեսզի բեռնափոխադրումների ուղղությամբ կապերը զարգանան երկու երկրների միջև։ Ձևավորվել է աշխատանքային խումբ, որ հետամուտ լինեն այդ խնդիրների լուծմանը»։
Տաթև ՀԱՐՈՒԹՅՈՒՆՅԱՆ
