«Ես չեմ հասկանում հարցադրումը՝ կար խնդիր, կային հարցադրումներ, որոնք արվել են եւ որոնք շարունակվելու են արվել»,- լրագրողների հետ ճեպազրույցում ասաց ԱԺ նախագահ Ալեն Սիմոնյանը՝ անդրադառնալով հարցին՝ հայ-ռուսական հարաբերություններում լարվածությունը մեղմվո՞ւմ է։
«Այն գնահատականները, որոնք կողքից հնչում են՝ հեսա իրենք փոխեցին վեկտորը, դրանք իրականությանը չեն համապատասխանում։ Կա մի իրականություն, որ Հայաստանի Հանրապետությունն իր անկախությունը եւ ինքնիշխանությունը պաշտպանում է։ Երբ իրեն խաբում են, գցում են, դա արձանագրում է եւ բարձր ասում է։ Երբ ինչ-որ կառույցի վերաբերյալ իր գնահատականն է ունենում, դա ասում է։ Մենք երբեւիցե չենք հայտարարել, որ աշխարհի որեւիցե երկրի հետ խզում ենք, պետք է խզենք մեր հարաբերությունները։ Նույնը վերաբերում է Ռուսաստանին։ Անընդհատ հո չենք կարող լարվածության մասին խոսել ու լարվածություն պահել»,- ասաց նա։
Ալեն Սիմոնյանի խոսքով՝ ՀԱՊԿ-ի հետ հարաբերությունները հայկական կողմը չի վերանայի, ՀԱՊԿ-ը պետք է վերանայի ինքն իրեն՝ հասկանալու համար գոյություն ունի՞, թե՞ չունի։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
