Գեղարքունիքի մարզպետ Կարեն Սարգսյանի նախաձեռնությամբ և կրթության, գիտության, մշակույթի և սպորտի նախարարության աջակցությամբ հերթական՝ 4-րդ բեմադրությունը ներկայացվեց Գավառի Լևոն Քալանթարի անվան պետական դրամատիկական թատրոնում։
Գեղարքունիքի մարզում հայտարարված թատերական երկամսյակի հերթական հյուրը Երևանի Մնջախաղի թատրոնն էր՝ «Դեպի ներս» բեմադրության ներկայացմամբ, ռեժիսոր Նաիրա Եդիգարյան։
Բեմադրությունը դիտեցին Գեղարքունիքի մարզի հանրակրթական հաստատությունների ավագ տարիքի դպրոցականներ, մանկավարժներ, կրթամշակութային այլ հաստատությունների ներկայացուցիչներ, քաղաքացիներ։
Կարդացեք նաև
«Սա լավագույն նախաձեռնությունն է մարզի բնակչությանը ավելի մոտեցնելու մշակութային կյանքին և հնարավորություն տալու մարզի թատերասեր հանրությանը տարբեր թատերական խմբերի ներկայացումներ դիտելու։ Մեր երախտագիտությունն ենք հայտնում Գեղարքունիքի մարզպետ Կարեն Սարգսյանին և ԿԳՄՍ նախարարությանը, ու թող որ նման գեղեցիկ նախաձեռնությունները շարունակական լինեն մեր մարզում»,- փաստում է գեղարքունիքցի հանդիսատեսը։
ԳԵՂԱՐՔՈՒՆԻՔԻ ՄԱՐԶՊԵՏԻ ԱՇԽԱՏԱԿԱԶՄ
