Ռումինիայի Էֆորիե Նորդ քաղաքում շախմատի Եվրոպայի տղամարդկանց անհատական առաջնության մասնակիցները մեկօրյա հանգստից հետո վերսկսել են պայքարը յոթերորդ տուրում:
Հայաստանի ներկայացուցիչներից լավագույնի դերը ստանձնել է գրոսմայստեր Գաբրիել Սարգսյանը, որը 5,5 միավորով առաջատարների տասնյակում է եւ կես միավոր է զիջում երեք առաջատարներին՝ Բաադուր Ջոբավային, Մաթիաս Բլյուբաումին եւ Արյան Տարիին: Գրոսմայստերներ Ռոբերտ Հովհաննիսյանը, Հայկ Մարտիրոսյանը, Արամ Հակոբյանը եւ Շանթ Սարգսյանը 5,0-ական միավորով մրցաշարային աղյուսակի վերին հորիզոնականներում են եւ շարունակում են պայքարը մեդալների համար:
Այսօր կայանալու է ութերորդ տուրը:
Աշոտ ՀԱԿՈԲՅԱՆ
