«Վեցերորդ օրն է՝ Սրբազան պայքարի երիտասարդների նախաձեռնությամբ մայրաքաղաքում իրականացվում է «Չեմ վստահում» խորագրով ակցիա:
«Ակցիայի հիմքում ընկած է ներկայիս իշխանություններին անվստահություն հայտնելը: Հայաստանի Հանրապետության կապույտ անձնագիր ունեցող քաղաքացիներ այս պահին գտնվում են Բաքվի բանտերում եւ այս իշխանությունների կողմից չենք տեսնում որեւէ գործողություն, աջակցություն մեր ռազմագերիներին: Հակառակը, օր օրի վրա տեսնում ենք զիջումներ: Դրանք անընդունելի են մեզ համար եւ մենք անհամաձայնություն ենք հայտնում դրանց այս գործողությունների միջոցով:
Բավական մեծ արձագանք ենք ստանում ՀՀ հանրության կողմից թե մեդիա դաշտում, թե այսպես, գետնի վրա: Պարբերրաբար մոտենում են մեծաթիվ քաղաքացիներ եւ մեր նախաձեռնության երիտասարդների հետ շփվելով՝ հայտնում են իրենց աջակցությունը:
Կարդացեք նաև
Մոտակա օրերին գնալու ենք Հայաստանի Հանրապետության տարբեր մարզեր՝ մեր նախաձեռնությունը այնտեղ շարունակելու: Բայց ակցիան Երեւանում շարունակվելու է: Այսինքն, միասնական ուժերով մենք անվստահություն ենք հայտնելու ներկայիս իշխանություններին, ձնագնդի էֆեկտով չվստահելը օր-օրի աճելու է եւ այս նախաձեռնությունը հասնելու է հաջողության»,- Aravot.am-ի հետ զրույցում ասաց «Սրբազան պայքարի» երիտասարդական նախաձեռնության անդամ Սուրեն Եդոյանը՝ տեղեկացնելով նաեւ, որ այցած հինգ օրերին քվեատուփերի մեջ գցվել են հազարավոր քվեաթերթիկներ:
Աշոտ ՀԱԿՈԲՅԱՆ
