Գերմանական «Կայզերսլաութերին» հարձակվող Հրանտ-Լեոն Ռանոսը հեռացվել է Հայաստանի հավաքականից, հայտնել է ազգային թիմի գլխավոր մարզիչ Ջոն վան’տ Սխիպը Վրաստանի դեմ Ազգերի լիգայի խաղարկության B/C լիգաների անցումային փլեյ-օֆֆ-ի պատասխան խաղից առաջ կայացած մամուլի ասուլիսում.
«Ցանկանում եմ հայտարարություն անել Հայաստանի հավաքականի խաղացողներից Ռանոսի վերաբերյալ, որը փաստացի պահանջում էր խաղալ վաղը: Իմ կարիերայում նման բան չէի տեսել, որ խաղացողն ասի. «Եթե չլինեմ մեկնարկային կազմում, կհեռանամ թիմից»: Այսպիսով՝ նա հեռացել է թիմից ու չի լինի: Եթե նման բան ես անում, ուրեմն՝ թիմի խաղացող չես։
Բոլորը գիտեն պատճառը. նա Երկրորդ Բունդեսլիգայում նախորդ 3 ամիսներին 30 րոպե է խաղացել, հիմա տեղ է ուզում մեկնարկային կազմում»,- նշել է հոլանդացի մասնագետը։
