«Միասին» հասարակական-քաղաքական շարժման այսօր՝ Ազատության հրապարակում հրավիրած հանրահավաքի ժամանակ, իր ելույթում, Արցախից բռնի տեղահանված Աննա Այվազյանը տարակուսանք հայտնեց առ այն, որ հավաքի մասնակիցների թիվը սակավ էր․ «Զարմանալի բան է, փոխարեն քանի գնանք շատանանք՝ պակասում ենք, բայց պահանջներն էլ ավելանում են։ Բայց պահանջները կատարելու համար ժողովուրդ է պետք»։
Նա արցախցիներին կոչ արեց՝ ակտիվ լինել, դուրս գալ փողոց, տարբեր ցույցերի մասնակցել՝ առաջնային խնդիր դնելով հավաքական վերադարձն իրեն տներ։ Նաեւ կոչ արեց՝ չհամակերպվել ՀՀ կառավարության՝ Արցախից բռնի տեղահանվածների նկատմամբ սոցիալական ծրագրերի կրճատումների հետ եւ դժգոհությունները դարձյալ հայտնել փողոցում՝ տարբեր ցույցերով։
«Բլոկադայի ժամանակ ավելի հեշտ էր դիմանալ, քան այս գոյապայքարին, մաքառումից։ Մի «40+10» էլ որ ձեզ օգնում էր տալ վարձերը, դա էլ է արդեն վտանգի տակ։ Ի՞նչ է նպատակն այս իշխանության՝ վերջնականապես հուսահատեցնել, որ դուք էլ թողնեք մեր հայրենիքը, մնացած մի բուռ հողը։ Մենք չե՛նք գնալու, դիմանալու ենք և հասնելու մեր ուզածին»։
ՀՀ կառավարությանն էլ Աննա Այվազյանը զգուշացնում է՝ չեն ընկրկելու, չեն գնալու Հայաստանից, մնալու են եւ պայքարելու են Արցախ վերադարձի համար։
Կարդացեք նաև
Մանրամասները՝ տեսանյութում
Նելլի ԳՐԻԳՈՐՅԱՆ
