«Հիվանդությունների կանխարգելման եւ վերահսկման կենտրոնը աղմուկի ստուգաչափման միակ լաբորատորիան է՝ առողջապահության նախարարության ենթակայությամբ…Ֆիքսենք, որ աղմուկը միայն Երևանում չէ: Այս պահին Հայաստանի Հանրապետության մարզերում աշխատակիցների կրճատումներ եւ օպտիմալացումներ են գնում՝ ձեր որոշմամբ: Եվ ունենք ընդամենը 2 գործող սանիտարական նորմ՝ աղմուկի եւ թրթռոցի հետ կապված, որոնք գործում են եւ քաղաքացիները կարողանում են դրանով դիմել ու ստանալ վարչական վարույթի շրջանակներում վերահսկողություն»,- ԱԺ Մարդու իրավունքների պաշտպանության եւ հանրային հարցերի մշտական հանձնաժողովի նախաձեռնած՝ «Հանրային աղմուկը՝ որպես համակեցության կանոնների պահպանման խոչընդոտ, գործող իրավական կարգավորումներ: Օրենսդրական լուծումներ» թեմայով լսումների ժամանակ նշեց «Առողջության իրավունք» ՀԿ-ի նախագահ Անուշ Պողոսյանը:
Անուշ Պողոսյանը՝ ձախից
Ապա մի քանի հարց ուղղեց առողջապահության նախարարին, օրինակ, ինչպե՞ս պետք է կատարվեն ստուգաչափումները, եթե չկան այդ կառույցները: «Եթե նոր աշխատողներ ենք ընդունելու, որպեսզի աղմուկի կարեւորագույն ստուգաչափումներն անեն, իսկ նրանք նաեւ մասնագիտական որակավորում պետք է ունենան, հետեւաբար ովքե՞ր են լինելու դրանք: Մի կողմից կրճատելու եք, մյուս կողմից նոր աշխատողներ ե՞ք վերցնելու, եւ ինչքա՞ն է դա նստելու պետական բյուջեի վրա»,- ի թիվս այլնի հետաքրքրվեց «Առողջության իրավունք» ՀԿ-ի նախագահը:
Նա մեկ այլ հարց էլ տվեց՝ տարիներով իրենց տներում նստած, բայց բյուջեից աշխատավարձեր ստացած մարդկանց մասին: «Հուշեմ՝ դրանք Հիվանդությունների վերահսկման եւ կանխարգելման ՊՈԱԿ-ի աշխատակիցներն են, որոնց գործատուն առողջապահության նախարարությունն է»,- ասաց Անուշ Պողոսյանը:
Կարդացեք նաև
Գոհար ՀԱԿՈԲՅԱՆ
