Ռուսաստանը Հայաստանին համարում է բարեկամ երկիր և մտադիր է էլ ավելի զարգացնել երկկողմ հարաբերությունները, ինչպես հայտնում է ՏԱՍՍ-ը՝ լրագրողներին ասել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով մամուլում հայտնված տեղեկությունը, թե ՀՀ վարչապետ Նիկոլ Փաշինյանը ՀՀ բոլոր գերատեսչություններին հանձնարարել է «վերականգնել կապերը» ռուս գործընկերների հետ։
«Իրականում Ռուսաստանի և Հայաստանի հարաբերությունները չեն ընդհատվել, դրանք չեն կարող ընդհատվել: Հայաստանը մեզ համար բարեկամ երկիր է: Ինքնիշխան պետություն է, բայց մեզ շատ բան է միավորում՝ թե երկկողմ, թե պատմական, թե մշակութային և նաև ԵԱՏՄ-ի նման կարևոր ինտեգրացիոն միավորմանը համատեղ մասնակցության առումով։
Եվ, իհարկե, մենք ավելի քան բավարարված ենք հայկական կողմի նման փոխադարձ վերաբերմունքից մեր երկկողմ հարաբերությունների հեռանկարներին և պատրաստ ենք ամեն կերպ զարգացնել դրանք»,- նշել է Պեսկովը։
