Մարտի 12-ին տեղի ունեցավ Բելգիայի հայերի կոմիտեի տարեկան գալա ընթրիքը, որին ներկա էին Անվտանգության և ներքին գործերի նախարար Բեռնար Քուինթինը, Միջին դասի, անկախ ձեռնարկատերերի և փոքր և միջին բիզնեսի նախարար Էլեոնորա Սիմոնեն, Բելգիայի Ներկայացուցիչների պալատի պատգամավոր, Արտաքին հարաբերությունների և եվրոպական հարցերի հանձնաժողովների փոխնախագահ Միշել դը Մաղդը և մի շարք այլ բարձրաստիճան պաշտոնյաներ, ինչպես նաև Հայաստանում Բելգիայի դեսպան Էրիկ դե Մույնքը։
Ընթրիքի մասնակիցներին ողջույնի խոսքով դիմեց դեսպան Տիգրան Բալայանը, որն անդրադարձավ Հայաստան-Բելգիա համագործակցության լայն օրակարգին՝ նշելով այն ձեռքբերումները, որոնք գրանցվել են վերջին տարիների ընթացքում, որոնց թվում են Բելգիայի կառավարության կազմավորման կոալիցիոն համաձայնագրում Հայաստանին աջակցության վերաբերյալ դրույթների ներառումը, նոր առևտրային պայմանագրերի կնքումը և նոր նախագծերը։
Ներկայացնելով հարևան Նիդերլանդների փորձը՝ դեսպանը հայտնեց, որ Հայաստանի մտադրությունն է որակապես նոր մակարդակի վրա բարձացնել Բելգիայի հետ փոխգործակցությունը։
Դեսպան Բալայանը նշեց նաև, որ այս տարի լրանում է Հայոց Ցեղասպանության 110-րդ տարելիցը, որը խորհելու շատ առիթներ է տալիս՝ ընդգծելով, որ մարտահրավերների անցյալ փորձը ուսումնասիրելով՝ այսօր Հայաստանն իր գործընկերային հարաբերությունները կառուցում է իր ազգային շահերի հենքի վրա։
Կարդացեք նաև
Բելգիայում ՀՀ դեսպանություն
