Գյումրիում ՏԻՄ ընտրություններին «Հայաստանի աշխատավորական սոցիալիստական» կուսակցության ցուցակով առաջադրված «Ազգային անվտանգային վերահսկողական կոմիտեի» նախագահ, երգիչ Արտյոմ Թումանյանը, որի Գյումրվա ֆայտոնում նկարահանված «Մարդ Գյումրեցի» վերնագիրը կրող քարոզչական տեսահոլովակը կարճ ժամանակահատվածում դարձավ համացանցի հիթ՝ հումորային արձագանքների արժանանալով, ո՛չ անշարժ, ոչ շարժական և ո՛չ էլ թանկարժեք գույք ունի:
Այս մասին տեղեկանում ենք նրա՝ Կենտրոնական ընտրական հանձնաժողով ներկայացրած գույքի ու եկամուտների հայտարարագրից։
Կարդացեք նաև
Թեկնածուն բնակվում է Գյումրու կենտրոնում՝ Քըրք Քըրքորյան փողոցում, որպես եկամուտ՝ հայտարարագրել է «Արդշինբանկ» ՓԲԸ-ից ստացած ավանդը՝ մոտ 400 հազար դրամի չափով, նվիրատվություն՝ 3 մլն 200 հազար դրամի չափով, որը մուտքագրվել է տերմինալով,տան վարձակալությունից ստացած եկամուտը՝ 554 ԱՄՆ դոլարի չափով։
Նա նվիրատվություն ունի նաև որդուց՝ Դավիթ Թումանյանից՝ 130 հազար դրամի չափով։
Թեկնածուի դրամական միջոցները հայտարարագիրը ներկայացնելու օրվա դրությամբ եղել են 10 միլիոն ՀՀ դրամ։
Նունե ԱՐԵՎՇԱՏՅԱՆ
