Վանաձորի ոստիկանության բաժանմունքում արցախցի երիտասարդ Տիգրան Ուլուբաբյանի խոշտանգման դեպքը Աժ պատգամավոր Արմենուհի Կյուրեղյանը համարում է հերթական քայլն ընդդեմ արցախցիների:
«Իրենք տեսնում են, որ արցախահայությունը մեծ ուժ է, արցախահայը այլեւս չի հանդուրժում այս իշխանությունների արարքները: Արցախահայությունը հայաստանցու հետ միասին ամեն ինչ պետք է անի, այս իշխանություններին վռնդելու համար: Այ դրանից են հենց վախենում: Համոզված եմ, որ մյուս կողմից կատարում են թուրք-ադրբեջանական տանդեմի հրահանգները: Ամեն ինչ անել, որ արցախահայությունը Հայաստանից էլ գնա, որովհետեւ ի վերջո պետք է գա այն պահը, երբ նոր ազգային իշխանությունը բարձրաձայնի արցախահայության հետ վերադարձի իրավունքի պահանջը ամբողջ միջազգային հարթակներում:
Ի վերջո, պետք է գա այն պահը, երբ արցախահայությունը ՀՀ ազգային իշխանության հետ պայքարի Բաքվում ռազմագերիների վերադարձի հարցով, ի վերջո, պետք է բարձրաձայնվի Արցախի ինքնորոշման իրավունքի իրականացման մասին հարցը միջազգային հարթակներում, իսկ այս պահանջները սրանց համար ամենավտանգավորն ու վախեցնող պահանջներն են» ,- այսօր ի պաշտպանություն Տիգրան Ուլուբաբյանի՝ Քննչական կոմիտեի շենքի դիմաց ասաց պատգամավորը:
Կարդացեք նաև
Արփինե ՍԻՄՈՆՅԱՆ
