Եվլախում ադրբեջանցիների հետ հանդիպմանը արցախյան կողմի ներկայացուցիչ Արցախի ԱԺ արտաքին հարաբերությունների մշտական հանձնաժողովի անդամ Դավիթ Մելքումյանը այսօր լրագրողների հետ զրույցում խոստացավ առաջիկայում մանրամասն հայտնել, թե ինչ են բանակցել, թշնամուց ինչ առաջարկներ են ստացել:
«Առաջարկները իրենց կողմից էնքան շատ էին, բայց որոշում կայացնողը Արցախի ժողովուրդն էր: Իսկ Արցախի ժողովուրդը որոշեց, որ մենք չենք ուզում ապրել ադրբեջանցիների հետ»,- պատասխանելով հարցին, թե ինչու հնարավոր չեղավ հասնել նրան, որ արցախցիներն անվտանգ մնան Արցախում՝ ասաց Մելքումյանը:
Անդրադառնալով ոստիկանական բաժանմունքում խոշտանգման ենթարկված արցախցի երիտասարդ Տիգրան Ուլուբաբյանի հետ կատարվածին՝ Մելքումյանն ասաց՝ անտանելի նախադեպ է, անթույլատրելի: Ամեն ինչ պետք է անել, որ նման բան այլեւս չկրկնվի:
Կարդացեք նաև
Արփինե ՍԻՄՈՆՅԱՆ
