«Ոստիկանների արարքը գնահատում եմ ամենաթողություն, իսկ այդ ամենաթողությանը 2022 թվականին Եռաբլուրում ականատես եղանք, երբ զոհվածների ծնողներին քաշելով, անմարդկային կերպով տարան ոստիկանական բաժանմունք: Մեր պարագայում էլ գործը փակվեց՝ սկզբում պարզաբանելով, որ չեն կարողանում նույնականացնել կարմիր բերետավորներին…գործը փակեցին, ոստիկանները արդարացվեցին: Շարունակական են ոստիկանների կողմից այդ արարքները: Նույն Սամվել Վարդանյանի դեպքն ենք հիշում, հիմա էլ Տիգրանինը… »,- լրագրողների հետ զրույցում այսօր ասաց 44-օրյա պատերազմի հերոս Մխիթար Գալեյանի մայրը՝ Աստղիկ Գալեյանը։
Նա եւս ՀՀ Քննչական կոմիտեի շենքի դիմաց է՝ ի պաշտպանություն ոստիկանության բաժանմունքում ոստիկանների կողմից խոշտանգված արցախցի երիտասարդի՝ Տիգրան Ուլուբաբյանի: Հիշեցնենք, որ երիտասարդին մեղսագրում են փեսայի քրոջ տան վրա ավազակային հարձակում:
«Իշխանություն կոչվածը ոստիկանական համակարգի համար վառել է կանաչ լույս՝ դաժանորեն վարվել այն անձանց նկատմամբ, ովքեր սիրում են հայրենիքը: Որոնք այս ամենի մեղավորը համարում են իշխանությանը: Չպետք է հակառակ բան խոսես իրենց հասցեին»,- հավելեց տիկին Գալեյանը:
Կարդացեք նաև
Արփինե ՍԻՄՈՆՅԱՆ
