«Խաղաղության համաձայնագիրը կարող է ստորագրվել, բայց դա ոչինչ չի տա»,- «Ա1+»-ի հետ զրույցում ասաց 1992-1993թթ․ ՀՀ վարչապետ Խոսրով Հարությունյանը՝ անդրադառնալով Հայաստանի և Ադրբեջանի կողմից քննարկվող այդ փաստաթղթին, որի բոլոր կետերն արդեն համաձայնեցված են։
Նախկին վարչապետը կարծում է, որ Հայաստանն ու Ադրբեջանը ոչ թե խաղաղության համաձայնագիր, այլ միջպետական հարաբերությունների կարգավորման համաձայնագիր պետք է ստորագրել։ Եվ այդ փաստաթղթում պետք է լինեին այնպիսի դրույթներ, որոնք երկու երկրների համար դառնային պարտադրող ուղեցույց։
Խոսելով Ադրբեջանին Մեղրիով Թուրքիայի հետ երկաթուղային կապի հնարավորություն տալու մասին՝ Խոսրով Հարությունյանն ասում է, որ դա պարզ հաղորդակցության խնդիր չէ։ «Միթե պարզ չէ, որ Ադրբեջանը Սյունիքով է ուզում Թուրքիայի հետ միանալ»։
Ինչ վերաբերում է Նոյեմբերի 9-ի հայտարարության շուրջ առկա հակասական քննարկումներին՝ Խ․Հարությունյանը գտնում է, որ պետք չէ հրաժարվել փաստաթղթից, որովհետև վաղ, թե ուշ դրա որոշ կետեր նորից կենսական կարևորություն են ստանալու։
Կարդացեք նաև
Մանրամասները՝ տեսանյութում։
