«Սա հերթական դեպքերի շարանն է, երբ ոստիկանական ուժերը իրենց ցույց են տալիս ամենաթողության դիրքերից: Այսօր էլ առանձնահատուկ որոշում չի լինելու: Խնդիր է դրված՝ մաքսիմալ ժամանակ ձգել, մինչեւ հանրային ուշադրությունը պակասի»,- լրագրողների հետ զրույցում այսօր ասաց արցախցի պատգամավոր Արամայիս Աղաբեկյանը: Նա եւս ՀՀ Քննչական կոմիտեի շենքի դիմաց է՝ ի պաշտպանություն ոստիկանության բաժանմունքում ոստիկանների կողմից խոշտանգված արցախցի երիտասարդի՝ Տիգրան Ուլուբաբյանի:
Հիշեցնենք, որ երիտասարդին մեղսագրում են փեսայի քրոջ տան վրա ավազակային հարձակում:
Հիշեցնենք նաեւ, որ Տիգրանն այս պահին Քննչական կոմիտեում է, նա պատրաստվում է տալ իր նկատմամբ բռնություն գործադրած ոստիկաններից երկուսի անունները:
«Ես այսպիսի իրավիճակ նախկինում երբեք չեմ տեսել, որ բոլորը խոսում են , ամեն ինչ ակնհայտ է, ցուցմունք կա տրված, բայց որեւէ մեկը պատասխանատվության չի ենթարկվում: Այն իրավապաշտպանները, որոնք ժամանակին, երբ մեկի մատը փուշ էր մտնում, բարձրացնում էին իրենց ձայնը, հիմա նրանց, քաղհասարակության ձայնը չի լսվում»,- ասաց արցախցի պատգամավորը:
Կարդացեք նաև
Արփինե ՍԻՄՈՆՅԱՆ
