«Սարիկ, 4,5 կիլոմետրն ի՞նչ արեցիք․ կերա՞ք, հանձնեցիք թուրքերին, ինչ արեցիք։ Այսինքն, այս աստիճանի շան գլուխը տեղյակ չի թե պոչն ինչո՞վ է զբաղված։ Մենք այսպիսի պետությունում ենք ապրում»,- այսօր ՀՀ քննչական կոմիտե՝ հարցաքննության մտնելուց առաջ, լրագրողների հետ զրույցում կեսկատակ-կեսլուրջ ասաց Գյումրու ավագանու ընտրություններում «Իմ հզոր համայնք» կուսակցությունը ներկայացնող պրոդյուսեր, «Հայաթ փրոջեքթ Գյումրի» երաժշտական խմբի երգերի հեղինակ Ռուբեն Մխիթարյանը։
Նա հիշեցնում է, որ Հայաստանում իշխող ուժի Գյումրու քաղաքապետի թեկնածու Սարիկ Մինասյանն իր ֆեյսբուքյան էջում, մարտի 10-ին գրել էր, որ Հյուսիս-Հարավ ճանապարհի Լանջիկ-Գյումրի 27, 5 հատվածը մարտի 20-ին բացվելու է։ Երեկ էլ գրում է՝ ինչպես արդեն նշել էի, նույնիսկ խոստացված ժամանակից էլ մեկ օր շուտ Հյուսիս-Հարավ ճանապարհի Լանջիկ-Գյումրի հատվածը երկկողմանի բաց է արդեն։ Իսկ Ճանապարհային դեպարտամենտի էջում էլ պաշտոնական տեղեկություն է հրապարակված, որ բացվել է այդ ճանապարհի 23 կիլոմետրը։
Նելլի ԳՐԻԳՈՐՅԱՆ
