Մի քանի խոսք Թուրքիայի ներքաղաքական կյանքում տեղի ունեցող զարգացումների մասին
«Թուրքիան այսօր». Թուրքիայի իշխանությունները Ստամբուլի ընդդիմադիր քաղաքապետ Էքրեմ Իմամօղլուի, նրա մամուլի քարտուղարի և քաղաքապետարանի մոտ 100 աշխատակիցների նկատմամբ կալանավորելու որոշում են կայացրել կոռուպցիայի և PKK-ի հետ համագործակցելու մեղադրանքով։
Գաղտնիք չէ, որ Էքրեմ Իմամօղլուն գալիք նախագահական ընտրություններում Էրդողանի գլխավոր հակառակորդն է լինելու։ Էրդողանը ասես զգալով վտանգը որոշեց ասպարեզից հեռացնել իր գլխավոր հակառակորդին։ Միևնույն ժամանակ, իշխանությունները սահմանափակում են հանրային մուտքը YouTube, Instagram, X և TikTok՝ վախենալով զանգվածային բողոքի ցույցերից։
Մետրոպոլիտենի կայարանները ոստիկանական բաժանմունքների մոտ փակ են քաղաքում, իսկ ընդդիմությունը տեղի ունեցածը որակում է որպես «հեղաշրջման փորձ»՝ հիշեցնելով Էրդողանի թեկնածուների նկատմամբ Իմամօղլուի չորս հաղթանակները։ Զուգահեռաբար Ստամբուլի համալսարանը չեղյալ է համարել ընդդիմադիր քաղաքական գործչի դիպլոմը, ինչը նրան զրկում է նախագահական ընտրություններին մասնակցելու իրավունքից։
Կարդացեք նաև
Իմամօղլուի ձերբակալությունը, որի ժողովրդականությունը տնտեսական ճգնաժամի պայմաններում աճում է մեծ տեմպերով, արտացոլում է Էրդողանի՝ իշխանությունը կորցնելու վախը։ Դիպլոմը չեղյալ համարելը և քրեական հետապնդումը կարծես թե մրցակցին վերացնելու փորձ է մինչև մարտի 23-ին կայանալիք ընդդիմադիր կուսակցության թեկնածուի ընտրությունը։ Սակայն Թուրքիային սպասում են նոր ցնցումներ։ Բողոքի ցույցերը կարող են կաթվածահար անել քաղաքները, իսկ լիրան կշարունակի ընկնել՝ խորացնելով տասնամյակներ շարունակվող ճգնաժամը:
Զուգահեռաբար Էրդողանը փորձում է ամրապնդել իր միջազգային դիրքը՝ Սպիտակ տանը Թրամփի հետ հանդիպում փնտրելով՝ քննարկելու Ուկրաինայի և Սիրիայի հարցերը։ Սակայն ներքին խառնաշփոթը Անկարային զրկում է մի շարք լծակներից։ Ամենայն հավանականությամբ մոտակա ժամանակները Էրդողանը ստիպված կլինի ավելի շատ ուշադրությունը սևեռել իր իշխանությունը պահելու և մոտակա ընտրություններին պատրաստվելու համար, իսկ արտաքին քաղաքականությունը կմղվի երկրորդ պլան։
