«Պատանդառությունը հակասում է Ժնևի կոնվենցիային և Պատանդներ վերցնելու դեմ պայքարի մասին միջազգային կոնվենցիային։ 23 էթնիկ հայեր ապօրինաբար պահվում են Ադրբեջանում»,- Ժնևում անցկացվող «Մարդու իրավունքները Ադրբեջանում․ էթնիկ հայերի դատավարությունները և կալանավորումը» խորագրով քննարկման ժամանակ իր տեսաուղերձում հայտարարեց բրիտանացի քաղաքական գործիչ, Մեծ Բրիտանիայի խորհրդարանի Մարդու իրավունքների հանձնաժողովի նախագահ, Լորդերի պալատի անդամ, լորդ Դեյվիդ Ալթոնը։
Նշենք, որ միջոցառումը ՄԱԿ-ի Մարդու իրավունքների խորհրդում կազմակերպվել է Իրավունքի և արդարադատության եվրոպական կենտրոնի և «Միջազգային քրիստոնեական համերաշխություն» (CSI) իրավապաշտպան կազմակերպության կողմից։
Լորդ Դեյվիդ Ալթոնը տեսաուղերձում նաև հայտարարեց․ «Ամենալավ բանը, որն Ադրբեջանը կարող է անել, հայ պատանդներին ազատ արձակելն է, ինչը ոչ միայն կնպաստի նրան, որ այս անձանց ընտանիքները դուրս կգան ցավի ու տառապանքների միջից, այլև լավ հարաբերություններ կստեղծվեն Բաքվի և Հայաստանի միջև»։
Կարդացեք նաև
Տաթև ՀԱՐՈՒԹՅՈՒՆՅԱՆ
