Այսօր՝ 19.03.2025 թվականին, «Երկիր Ծիրանի» կուսակցության նախագահ, փաստաբան, Երևանի ավագանու անդամ Զարուհի Փոստանջյանն ի լրումն կոռուպցիոն հանցանքների մասին հաղորդումների` Տիգրան Ավինյանի կողմից ապօրինաբար «ԱԴԱՄԻՈՒՄ» ՍՊ ընկերությանը 14.11.2024 թվականին տրված թիվ N 01150-02-1985-24 շինարարության թույլտվություն տրամադրելու կոռուպցիոն գործարքի մասին ՀՀ հակակոռուպցիոն կոմիտեի նախագահի տեղակալ՝ Մուշեղ Բաբայանին ներկայացրել է դիմում, որի մեջ նշում է կոռուպցիոն սխեմայի ներքո գործող անձանց անունները, ազգանուններն ու գործարքները:
Միևնույն ժամանակ դիմումով հայտնել է, որ պատրաստ է նաև ցուցմունքի տեսքով շարադրել բոլոր փաստերը և փաստարկները կոռուպցիոն հանցանքների մասին, որի հիմքով ակնկալում է ՀՀ հակակոռուպցիոն կոմիտեի կողմից հրավեր ցուցմունք տալու համար:
«Երկիր Ծիրանի» կուսակցության լրատվական ծառայություն
