Լրահոս
Օրվա լրահոսը

Հույս ենք հայտնում, որ Շվեյցարիայի Դաշնային խորհուրդը անհապաղ կձեռնարկի անհրաժեշտ քայլեր՝ Կանտոնների խորհրդի այս պատմական որոշումը կյանքի կոչելու համար. Գագիկ Բաղունց

Մարտ 18,2025 23:00

Լսել նյութի աուդիո տարբերակը

Ձայնագրությունը գեներացված է Armenian Text to Speech արհեստական բանականության միջոցով, որն այս պահին գտնվում է թեստավորման փուլում

Արցախի Հանրապետության Ազգային ժողովի նախագահի պարտականությունները կատարող Գագիկ Բաղունցը երախտագիտություն է հայտնել Շվեյցարիայի խորհրդարանին

Արտահայտելով Արցախի ժողովրդի խորին երախտագիտությունը՝ ողջունում և բարձր ենք գնահատում Շվեյցարիայի Համադաշնության խորհրդարանի՝ Դաշնային ժողովի վերին պալատի՝ Կանտոնների խորհրդի կողմից 2025 թվականի մարտի 18-ին №24.4259 նախագծի՝ «Լեռնային Ղարաբաղի համար Խաղաղության ֆորում. հայերի վերադարձի հնարավորության ապահովում» վերնագրով բանաձևի ընդունումը։

Մեզ համար առանձնակի կարևորություն ունի այն փաստը, որ Շվեյցարիայի խորհրդարանի երկու պալատներն էլ՝ ինչպես Ազգային խորհուրդը 2024 թվականի դեկտեմբերի 17-ին, այնպես էլ այժմ Կանտոնների խորհուրդը, կողմ քվեարկեցին այս կարևոր նախաձեռնությանը։ Այսպիսի միասնական և սկզբունքային դիրքորոշումը վկայում է միջազգային իրավունքի և մարդասիրական արժեքների նկատմամբ Շվեյցարիայի հանձնառության մասին։

Խորապես գնահատում ենք Շվեյցարիայի խորհրդարանի կողմից Արցախի և Ադրբեջանի ներկայացուցիչների միջև երկխոսության առանձնացված հարթակ ստեղծելու կոչը։ Արցախի բռնի տեղահանված ժողովրդի անվտանգ, հավաքական և արժանապատիվ վերադարձի իրավունքը միջազգային իրավունքի անքակտելի մասն է, ինչը բազմիցս հաստատվել է միջազգային տարբեր կառույցների կողմից, այդ թվում՝ Միջազգային արդարադատության դատարանի և Եվրոպական խորհրդարանի բանաձևերում։

Մենք հույս ենք հայտնում, որ Շվեյցարիայի Դաշնային խորհուրդը անհապաղ կձեռնարկի անհրաժեշտ քայլեր՝ Կանտոնների խորհրդի այս պատմական որոշումը կյանքի կոչելու համար։

Վերահաստատում ենք մեր պատրաստակամությունը՝ աջակցելու բոլոր այն ջանքերին, որոնք ուղղված են Արցախի ժողովրդի իրավունքների և անվտանգության երաշխավորմանը, ինչպես նաև կայուն և արդար խաղաղության հաստատմանը տարածաշրջանում։

Մեկ անգամ ևս խորին շնորհակալություն ենք հայտնում Շվեյցարիայի խորհրդարանին՝ ցուցաբերած սկզբունքային դիրքորոշման, մարդասիրության և Արցախի ժողովրդի ցավին ու կարիքներին ցուցաբերած ուշադրության համար։

 

«Ապառաժ»

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2025
Երկ Երե Չոր Հնգ Ուրբ Շաբ Կիր
« Փետ    
 12
3456789
10111213141516
17181920212223
24252627282930
31