Գյումրու արտահերթ ՏԻՄ ընտրություններին «Մեր քաղաքը» դաշինքի ցուցակը գլխավորող Ազգային ժողովի պատգամավոր Մարտուն Գրիգորյանը ԿԸՀ որպես անշարժ գույք՝ հայտարարագրել է Գյումրու Լալայան փողոցի բնակելի տունը՝ 534 քառ․ մետր մակերեսով, 53 քառակուսի մետր մակերեսով երկու բնակարան էլ Երևանի Գրիբոյեդով փողոցում, ավտոկայանատեղի՝ դարձյալ նույն փողոցում՝ Գրիբոյեդովում, և երկու հողամաս Գյումրիում։ Հողամասերից մեկը իր բնակելի տան՝ Լալայան փողոցում է, որտեղ միանձնյա սեփականատեր է, մյուսը՝ Գյումրու Տիգրանյան փողոցում, որտեղ համասեփականատեր է։
Պատգամավորի հայտարարագրից տեղեկանում ենք, որ ավտոմեքենա չունի, թանկարժեք գույք՝ ևս։
Որպես եկամուտ՝ հայտարարագրել է իր պատգամավորական աշխատավարձը՝ մոտ 570 հազար դրամ։
Նրա դրամական միջոցները՝ հայտարարագիրը ներկայացնելու օրվա դրությամբ կազմում են 190 միլիոն ՀՀ դրամ և 20․000 ԱՄՆ դոլար։
Կարդացեք նաև
Նունե ԱՐԵՎՇԱՏՅԱՆ
