Երեւանի ավագանու այսօրվա նիստում «Ազգային առաջընթաց» խմբակցության անդամ Արամ Սիմոնյանը դիմեց Երեւանի իշխանություններին․ «Հարգելի իշխանավորներ, ես ձեզ խորհուրդ եմ տալիս ընդհանրապես կանաչապատումից չխոսեք, մինչեւ տեսնենք՝ իրավապահ մարմիններն ինչ են անում, ոնց են անում։ Վերջերս Բուսաբանական այգու ծառահատումներն էլ վկա»։
Տիգրան Ավինյանն ասաց, որ Երեւանի քաղաքապետարանը միայն նախորդ տարի 12,8 հա կանաչ տարածքներ է ստեղծել, 31 հազար գծամետր ոռոգման համակարգ է քաշել։ Այս ծառերի կպչողականությունն, ըստ Ավինյանի, մոտ 95 տոկոս է։ «Ուզո՞ւմ եք իմանաք՝ ձեր ղեկավարի վարած քաղաքականության տարիներին քանի տոկոս էին ոչ այնքան էական ծավալներով իրականացվող ծառատնկման աշխատանքները, մոտավորապես 40 տոկոս։ Շատ տեղեր, որտեղ նախկինում ծառատունկ եք իրականացրել, չորացել-մնացել են, որովհետեւ ոռոգման համակարգ չեք կառուցել»,- ասաց Ավինյանը։
Նա հավելեց, որ Երեւանի քաղաքապետարանը կապ չունի Բուսաբանական այգու ծառահատումների հետ։ «Լավ, էդ Բուսաբանական այգին մեր հետ ինչի՞ եք կապում, մենք ի՞նչ կապ ունենք Բուսաբանական այգու ծառերի ու ծառահատումների հետ»:
Կարդացեք նաև
Ռոզա ՀՈՎՀԱՆՆԻՍՅԱՆ
