«Սրբազան պայքարի» երիտասարդական թեւն այսօր «Չենք վստահում իշխանություններին» խորագրով անհնազանդության գործողություն իրականացրեց Երեւանում։
«Սրբազան պայքարի» մասնակից Լիդիա Մանթաշյանը լրագրողների հետ զրույցում ասաց, որ սա ուղերձ է՝ ընդվզելու այս իշխանությունների քաղաքականության դեմ եւ փորձելու համախմբել մարդկանց, որպեսզի ընդհանուր պարզ լինի՝ հայ ժողովուրդը դեմ է այս իշխանություններին։ Նա նշեց, որ առանձին խնդիրը, որը բարձրաձայնում են, Բաքվի բանտերում գտնվող հայ գերիների հարցն է։
Նրա խոսքով՝ Բաքվի բանտերում գտնվող անձինք ունեն ՀՀ անձնագրեր, բայց Հայաստանի Հանրապետությունն այսօր որեւէ ձեւով չի հովանավորում նրանց եւ որեւէ գործողություն չի կատարում՝ այդ մարդկանց ազատ արձակման կամ միջազգային ատյաններում այդ խնդիրը բարձրաձայնելու ուղղությամբ։ «Ինչ էլ ասում են, իրենք ստում են։ Մենք այս վերջին 7 տարիների ընթացքում համոզվել ենք, որ կառավարության ղեկավարը ստախոս է, եւ իր ամբողջ թիմը այդ նույն ստախոսության մեջ են։ Մենք այդ ստախոսության դեմ ենք դուրս եկել, ուզում ենք կոնսոլիդացնել մարդկանց եւ ցույց տալ, որ ՀՀ քաղաքացիները չեն վստահում այս իշխանություններին»,- ասաց նա՝ հավելելով, որ ակցիան շարունակական կլինի։
Կարդացեք նաև
Մանրամասները՝ տեսանյութում
«Մենք փորձում ենք իրազեկել հանրությանը, որ ներկայիս իշխանությունները չեն կատարում իրենց պարտքն իրենց քաղաքացիների նկատմամբ եւ չեն վարում այն քաղաքականությունը, որը մենք կուզեինք տեսնել։ Ներկայումս ՀՀ մի շարք քաղաքացիներ գտնվում են Բաքվի բանտերում, եւ մենք չենք տեսնում ինչ-որ գործողություն, որն իրականացնում է այս իշխանությունը՝ մեր համաքաղաքացիներին հետ բերելու համար։ Դա մեզ համար անընդունելի է։ Այս լռության միջավայրը, որը նրանք ստեղծել են, դա նույնպես վստահություն չի ներշնչում։ Անելու ենք ամեն ինչ, որպեսզի այս սառույցը կոտրվի, եւ փոփոխություններ տեղի ունենան»,- ասաց Սուրեն Եդոյանը։
Մանրամասները՝ տեսանյութում
Քաղաքացիները մոտենում էին եւ «Չեմ վստահում» գրությամբ թերթիկներ էին գցում արկղերը։
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
