«Ո՞նց կարող է մեկը մի բան հայտարարել, երբ նույնիսկ տեքստին ծանոթ չէ»,-լրագրողների հետ ճեպազրույցում հիշեցմանը՝ ընդդիմությունը հայտարարում է, որ ամեն ինչ անելու են, որպեսզի խաղաղության պայմանագրի կնքմանը խոչընդոտեն, այսպես արձագանքեց ՀՀ ԱԺ նախագահ Ալեն Սիմոնյանը։
Լրագրողներն ասացին՝ նրանք ենթադրում են, որ դա նոր կապիտուլյացիա է լինում, Ալեն Սիմոնյանը հեգնեց․ «Ենթադրում են, թող խաչակնքվեն։ Ո՞նց կարող է լուրջ քաղաքական գործիչը պայքարել մի տեքստի դեմ, որը չի տեսել։ Դա չեմ հասկանում։ Թող պայքարեն իշխանության դեմ, խաղաղության դեմ, պայմանագիր կնքելու դեմ, թող պայքարեն իմ դեմ, այսինքն՝ ինչ-որ մի բանի դեմ, որը շոշափելի է, տեսել են»։
Լրագրողների այն դիտարկմանը՝ փորձը ցույց է տալիս, որ այս իշխանություններն ամեն ինչ զիջում են, և չի բացառվում, որ այս դեպքում էլ զիջումների գնացած լինեն, ՀՀ ԱԺ նախագահն արձագանքեց․ «Էդ ի՞նչ ենք զիջում, որ Ադրբեջանի համար զիջում չէ։ Ցավում եմ, բայց գիտակցված, թե չգիտակցված շատ վատ բան են անում այդ մարդիկ ՀՀ անկախության համար»։
Կարդացեք նաև
Տաթև ՀԱՐՈՒԹՅՈՒՆՅԱՆ
