«Ադրբեջանը խաղաղության չի գնացել և չի գնում, որքան էլ փորձի Փաշինյանը ժողովրդին մոլորեցնել, ասել՝ վերջ, ամեն ինչ վերջացրել ենք, կիրթ ու կառուցողական գործընկեր Ալիևի հետ եկել ենք ջենթլմենական համաձայնության, փոխադարձ տարածքային հավակնություններ չունենք, ճանապարհների ապաշրջափակումը տեղի է ունենալու ինքնիշխանության պաշտպանությամբ, այդ ամենը սուտ է»,- լրագրողների հետ ճեպազրույցում կարծիք հայտնեց ՀՀ ԱԺ «Հայաստան» խմբակցության պատգամավոր Արթուր Խաչատրյանը։
Նա հիշեցրեց՝ Ադրբեջանը հայտարարել է, որ «խաղաղության համաձայնագիր» կնքելու նախապայմանը ՀՀ սահմանադրության փոփոխությունն է․ «Դրան կհետևի այսպես կոչված «պատերազմական հանցագործների» վերադարձի պահանջը, 350 հազար ադրբեջանցիների բնակեցումը ՀՀ ինքնիշխան տարածքում։ Ադրբեջանը բացարձակ որևէ մտադրություն չունի խաղաղության համաձայնագիր կնքելու, ՀՀ-ի հետ խաղաղություն հաստատելու»։
Տաթև ՀԱՐՈՒԹՅՈՒՆՅԱՆ
