Լրահոս
Օրվա լրահոսը

Ցորենի, առհասարակ, պարենամթերքի խնդիր 2025-ին չենք ունենա․ Գեւորգ Պապոյան

Մարտ 17,2025 14:52

2025 թվականին ՌԴ-ի կողմից ցորենի անհրաժեշտ պաշարի ներկրումը Հայաստան ապահովված է․ այս մասին ԱԺ տարածաշրջանային եւ եվրասիական ինտեգրման հարցերով մշտական հանձնաժողովի նիստում՝ ներկայացնելով ՀՀ կառավարության ծրագրի (2021-2026 թթ.) 2024 թվականի կատարման ընթացքի եւ արդյունքների մասին զեկույցը, հավաստիացրեց ՀՀ էկոնոմիկայի նախարար Գեւորգ Պապոյանը։

ԵԱՏՄ շրջանակներում պարտավորությունների շրջանակներում, ըստ Գեւորգ Պապոյանի, առհասարակ 2025 թվականի համար, ապահովված է Հայաստանի պարենային անվտանգության ապահովման հարցը։

ԵԱՏՄ շրջանակներում կնքված ազատ առեւտրի պայմանագրի եւ ԵԱՏՄ-ի պարտավորությունների շրջանակներում, Հայաստանին սակագնային արտոնությունների քվոտաներ են տրամադրվել ներկրվող որոշակի ապրանքների համար՝ խոզի միս, վիետնամական բրինձ, ընտանի կենդանիների միս, սերբական ծագման պանիրներ եւ ծխախոտ։

Իրանի հետ ազատ առեւտրի գոտու գործարկման պայմանագիրը, ըստ նախարարի, իրավաբանական վերստուգման գործընթացում է։

ԵԱՏՄ երկրների հետ առեւտրաշրջանառությունը, Գեւորգ Պապոյանի ներկայացմամբ, նախորդ տարի՝ 2024-ին, աճել է 154 տոկոսով․ 156 տոկոս՝ ՌԴ-ի հետ է կազմել, 109․1 Բելառուսի․ երկու դեպքում էլ աճ կա։ Ղազախստանի եւ Ղրղըզստանի դեպքում որոշակի նվազում կա՝ համապատասխանաբար կազմելով՝ 76․4 եւ 50,1 տոկոս։ Նվազման պատճառն, այս դեպքում ավտոմեքենաների ներկրումն է եղել, մշակվող արդյունաբերության հետ կապված միտումներ նախարարությունը չի տեսել։

Մանրամասները՝ տեսանյութում

 

Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2025
Երկ Երե Չոր Հնգ Ուրբ Շաբ Կիր
« Փետ    
 12
3456789
10111213141516
17181920212223
24252627282930
31