Լրահոս
Օրվա լրահոսը

Հայտնի րաբբիներ դիմել են Թրամփին՝ Ադրբեջանը Աբրահամի համաձայնագրերում ներառելու կոչով

Մարտ 17,2025 13:44

Լսել նյութի աուդիո տարբերակը

Ձայնագրությունը գեներացված է Armenian Text to Speech արհեստական բանականության միջոցով, որն այս պահին գտնվում է թեստավորման փուլում

Jerusalem Post. Տասնյակ հայտնի րաբբիներ, որոնք ունեն հարուստ դիվանագիտական փորձառություն, վերջերս նամակներ են ուղարկել ԱՄՆ նախագահ Դոնալդ Թրամփին՝ կապված մահմեդական մեծամասնություն ունեցող Ադրբեջանը Աբրահամի համաձայնագրերի շրջանակում ներառելու հնարավորության հետ:

Իրենց նամակներում ռաբբիները շեշտադրել են կարևոր հանգամանք. Աբրահամի համաձայնագրերին միացած երկրները ստացել են լայնածավալ խրախուսանքներ և քաղաքական աջակցություն Միացյալ Նահանգներից:

«Մինչդեռ Ադրբեջանը՝ որը նկարագրվում է որպես Իսրայելի ամենավստահելի մահմեդական երկիր և Մերձավոր Արևելքում ԱՄՆ-ի առանցքային դաշնակից արդեն երեք տասնամյակ, չի ստացել ամերիկյան աջակցություն: Ավելին, այն դեռևս գտնվում է Վաշինգտոնի պատժամիջոցների սահմանափակումների տակ՝ 907-րդ բաժնի միջոցով, որը սահմանափակում է ամերիկյան օգնությունը այս երկրին, չնայած տարածաշրջանային անվտանգությանը նրա երկարատև ներդրմանը»:

«Աբրահամի համաձայնագրերին միացած երկրները ստացել են դրական խթաններ և օգուտներ՝ Իսրայելի հետ խաղաղություն հաստատելու դիմաց: Ի հակադրություն, Ադրբեջանը դարձավ Իսրայելի առանձնապես վստահելի գործընկեր և իսկական բարեկամ երեք տասնամյակ առաջ՝ առանց որևէ արտաքին ազդեցության, – գրում են ռաբբիները:-907-րդ բաժնի վերացումը կլիներ ճանաչման շատ լավ ժեստ»:

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2025
Երկ Երե Չոր Հնգ Ուրբ Շաբ Կիր
« Փետ    
 12
3456789
10111213141516
17181920212223
24252627282930
31