«Մի դեպք ունեինք գողեգող՝ հարակից տարածքի բետոնապատման»,- Երեւանի քաղաքապետարանի գործակարգավարական խորհրդակցության ժամանակ նշեց Երեւանի քաղաքապետ Տիգրան Ավինյանը: Նրան պարզաբանեցին, որ տնտեսվարողը որոշել էր իր դիմացի մայթի տարածքը բարեկարգել եւ դա արել էր առանց թույլտվության ու ոչ սահմանված կարգով, ինչի համար տուգանվել էր:
«Տնտեսվարողները որոշ դեպքերում մտածում են, որ մենք շաբաթ-կիրակի չենք աշխատում, բայց դա այդպես չի եւ նման բարեկարգման աշխատանքները պահանջում են համապատասխան թույլտվություններ, որոնք արդեն իսկ իրականացվում են էլեկտրոնային, բավականին պարզեցված տրամաբանությամբ:
Իսկ ինչո՞ւ է տվյալ պարագայում արագ եղել եւ առանց թույլտվության, որովհետեւ ենթադրվում է, որ նմանատիպ ձեւով մենք թույլ չէինք տալու բարեկարգում իրականացնել, որովհետեւ Երեւան քաղաքի կենտրոնում բետոնի սալիկների փոխարեն քարի սալիկներ պետք է տեղադրվեն՝ համապատասխան ամեն փողոցում որոշված տրամաբանության: Հետևաբար` բոլոր տնտեսվարողներին խնդրում ենք հետեւել այս կարգին»,-ասաց Տիգրան Ավինյանը:
Կարդացեք նաև
Գոհար ՀԱԿՈԲՅԱՆ
