Մարտի 16-17-ին Հայաստանում Եվրոպական Միության առաքելությունը (EUMA) պարեկություն է իրականացրել հայ-ադրբեջանական սահմանի տարբեր հատվածներում: Առաքելության հաղորդագրության համաձայն՝ իրավիճակը մնում է հանգիստ և խաղաղ, առանց որևէ անսովոր գործողությունների:
Երեկ Հայաստանի պաշտպանության նախարարությունը երեք հաղորդագրություն էր տարածել, թե Ադրբեջանի ՊՆ հաղորդագրությունները, թե իբր մարտի 16-ին ՀՀ ԶՈՒ ստորաբաժանումները կրակ են բացել սահմանագոտում տեղակայված ադրբեջանական դիրքերի ուղղությամբ, չեն համապատասխանում իրականությանը։
